Rusiyanın bu şəhərində ilk məscid istifadəyə veriləcək

Vladivostok şəhərinin məscid problemi həll ediləcək.

Ahlibeyt.az-ın məlumatına görə, İslamazeri.com-un rus mediasına istinadən verdiyi xəbərə əsasən, Rusiyanın Vladivostok şəhərində tezliklə ilk rəsmi müsəlman ibadətgahı açılacaq. Məscidin tikintisi üçün vəsait isə xeyriyyə mənbələrindən daxil olur.

Bu haqda Tatarstan Respublikasının Baş naziri Vasil Şayxraziyev adıçəkilən şəhərin başçısı Konstantin Mejonov ilə görüş zamanı açıqlama verib.

Məlum olub ki, məscidin tikintisi üçün nəzərdə tutulmuş torpaq sahəsi rəhbərlik tərəfindən hələ bir neçə il öncə ayrılıb. Lakin maliyyələşdirmənin olmaması səbəbi ilə onun tikintisi təxirə salınırdı. İndi isə bu məsələ həll edilib, artıq bütün layihə sənədləri hazırdır.

Qeyd etmək lazımdır ki, hazırda Vladivostok şəhərində bir dənə də olsun rəsmi məscid yoxdur. Müsəlmanlar camaat namazlarını və dini tədbirləri Primorsk diyarının Kazıyat müsəlmanlar idarəsinin binasında keçirirlər.