İran və Türkiyənin müştərək Quran sərgisi keçirilir

İran İslam Respublikası və Türkiyənin müştərək Quran sərgisi keçirilir.

Ahlibeyt.az-ın İqna-ya istinadən məlumatına görə, Türkiyənin Ahmet Hamdi Akseki Mədəniyyət mərkəzində baş tutan sərgi bir həftə davam edəcək.

Sərginin açılış mərasimində İran İslam Respublikasının İslami Əlaqələr və Mədəniyyət Təşkilatının rəisi Əbuzər İbrahimi Türkəman və Türkiyənin Dini İşlər Təşkilatının rəisi Əli Ərbaş iştirak ediblər.

Sərgidə İslam alimlərinin Quran barədə qələmə aldıqları təfsir, Quran elmləri kitabları, Quran mövzusunda incəsənət əsərləri, hüsnxətt tabloları və əlyazma Quran nüsxələri nümayiş olunur.

Sərgidə nümayiş olunan əsərlərin arasında müasir təfsirşilərinin əsərlərindən iqtibas edilmiş “Quran şüalar” kitabları da var.