Livan - İsrail sərhədində gərginlik artıb

İsrail Müdafiə Nazirliyinin mətbuat xidməti bazar ertəsi ölkənin Livanla sərhəddə yerləşən hərbi baza və texnikasına bir neçə tank əleyhinə raket atıldığını bəyan edib.

Ahlibeyt.az-ın beynəlxalq KİV-lərə istinadən məlumatına görə, İsrail ordusu Livandan ölkənin şimalına tank əleyhinə raketin atılmasına cavab olaraq qarşı tərəfə çoxsayda mərmi atıldığını açıqlayıb.

"Hizbullah" hərəkatının döyüşçüləri Livanla sərhəddə İsrailə məxsus zirehli texnikanı məhv ediblər. Ölən və yaralılanlar barədə dəqiq məlumat verilmir.

Yaranan gərginliyinin səbəb bir neçə gün əvvəl İsrail tərəfindən edilən hücum olub. Belə ki, İsrail ordusu Livan ərazisində yerləşən hərbi obyektlərə zərbələr endirib, nəticədə 2 "Hizbullah" döyüşçüsü öldürülüb.

Hadisənin ardınca bir neçə ölkə və beynəlxalq təşkilatlar Livan tərəfini İsrailə qarşı hərbi əməliyyatlardan çəkinməyə çağırsa da Livan müqavimət hərəkatının rəhbəri Seyyid Həsən Nəsrullahın bunun qaçılmaz olduğunu bildirmişdi.