Məhəmməd Mursi gecə ikən ciddi təhlükəsizlik tədbirlərilə dəfn edilib

Misirin sabiq prezidenti Məhəmməd Mursi iyunun 17-də dövlət müttəhimi kimi təqsirləndirildiyi casusluq işi üzrə məhkəmə iclasında keçinib.

Ahlibeyt.az-ın məlumatına görə,bu barədə Misirin dövlət televiziyası məlumat yayıb ki, 67 yaşlı Məhəmməd Mürsi kəskin ürək çatışmazlığından vəfat edib. O əvvəlcə huşunu itirib və özünə gəlmədən keçinib.Həmçinin Mürsi xoşxassəli şişdən əziyyət çəkib və ona müntəzəm olaraq tibbi yardım göstərilib.

Məhəmməd Mursi gecə ikən ciddi təhlükəsizlik tədbirləri altında və yalnız ailəsinin iştirakı ilə dəfn edilib.

SalamNews  xəbər verir ki, bu barədə Məhəmməd Mursinin oğlu Əhməd Məhəmməd Mursi öz rəsmi facebook səhifəsində yazıb.

Bildirilib ki, Misir hökuməti onun ailə məzarlığında dəfn edilməsinə icazə verməyib.

Əlavə edilib ki, ciddi təhlükəsizlik tədbirlərinin müşayiəti ilə mərhumun cənazəsi “Liman-Tərrat” həbsxanasında yuyulub və həmin həbsxananın məscidində cənazə namazı qılınıb. Dəfn mərasiminə yalnız onun ailəsi və vəkilləri qatıla bilib.

Mərhum Qahirənin “Nəsr” mikraroyonunda “İxvanəl-Müslimin” liderlərinin dəfn edildiyi məzarlıqda torpağa tapşırılıb.

Qeyd edək ki, Mərhum Məhəmməd Mursi 2012-ci ildə seçkilərdə qalib gələrək ölkə prezidenti olmuş, lakin bir il sonra hərbçilər tərəfindən devrilmiş və həbs edilmişdi.