Əl-Əzhər məscidi ətrafındakı patrtlayışdan sonra Misir ordusu əməliyyat keçirib

Misir Ordusu və təhlükəsizlik qüvvələri Şimali-Sina əyalətinin əl-Əriş adlı bölgəsində əməliyyat keçirib.

Ahlibeyt.az-ın məlumatına görə, SalamNews  əl-Ərəbiyyə telekanalına istinadla xəbər verir ki, Misir təhlükəsizlik qüvvələri və ordu əl-Ərişdə iki obyektdə əməliyyat həyata keçiriblər.

Hücumların planlaşdırıldığı deyilən bu iki obyektdə əməliyyat nəticəsində 16 silahlı ölüb.

Buradan silah-sursatın ələ keçirildiyi deyilir.

Qeyd edək ki,Misir polisi ötən axşam Qahirədə əl-Əzhər dini-təhsil ocağı ətrafında törədilən partlayışın görüntülərini yayımlayıb.Partlayışda 3 nəfər həlak olub. Onlardan ikisinin polis zabiti olduğu bildirilir.Velosiped sürən kamikadze əl-Əzhər dini təhsil ocağının həyətinə arxa küçələrdən daxil olmaq istəyib. Lakin polis zabiti onu saxlayarkən özünü partladır.

Misir polisi qısa araşdırmadan sonra kamikadzenin kimliyini bəlli edib və əldə olunub ki, terrorçu 37 yaşlı Həsən Abdullah adlı ölkə vətəndaşıdır.