Ərəbistan yarımadasındakı bütün kilsələr məhv edilməlidir!

Səudiyyə Ərəbistanının baş müftisi Şeyx Əbdül-Əziz əş-Şeyx Ərəbistan yarımadasında mövcud olan bütün kilsələrin sökülməsi barədə fətva verib.

Şeyx Əbdül-Əziz əş-Şeyx bu fətvanı Küveyt Qeyri-hökümət təşkilatlarından birinin nümayəndə heyətini qəbul edərkən verib. QHT nümayəndələri baş müftidən Küveytdə yeni kilsələrin tikilməsinə münasibət bildirməsini istəyib və bildiriblər ki, Küveyt parlamentarilərindən biri yeni kilsələrin tikilməsinin qadağan edilməsini istəyib.

Baş müfti bildirib ki, haqq din İslam dini olduğu üçün Ərəbistan yarımadasında yalnız bir din, İslam dini olmalıdır. Küveyt də Ərəbistan yarımadasında yerləşdiyindən Küveytdə olan bütün kilsələr sökülməlidir.

Baş müftinin bu sözlərindən sonra Livan, İordaniya, Misir və digər Yaxın Şərq ölkələrində yaşayan xristianlar bu fətvadan hiddətləndiklərini bildiriblər. Onlar bu sözləri cahil yanaşma adlandıraraq deyiblər ki, təsəvvür edin ki, analoji sözləri Roma Papası desin və İtaliyada olan bütün kilsələrin sökülməsini tələb etsin.

Qeyd edək ki, Səudiyyə Ərəbistanında digər dinlər qadağandır və həmin ölkədə bir dənə də kilsə yoxdur.