Buxarada Dini Turizm üzrə ilk Beynəlxalq Forum keçiriləcək

Fevralın 21-23-də Buxara şəhərində Dini Turizm üzrə ilk Beynəlxalq Forum keçiriləcək - Bu barədə "Kabar" agentliyi Qırğızıstanın Özbəkistan səfirliyinə istinadən məlumat verir.

Ahlibeyt.az-ın Salamnews-a istinadən verdiyi xəbərə görə, forum dini turizmin inkişafında beynəlxalq əməkdaşlığın genişləndirilməsi məqsədini güdür.

Forumda alimlər, din xadimləri, ekspertlər, dini turizm sahəsindəki ekspertlər, habelə xarici təhsil müəssisələrinin nümayəndələri, həcc ziyarətləri assosiasiyaları, agentliklər, turizm mərkəzləri və digər müvafiq qurumların nümayəndələri iştirak edəcəklər.

Buxaradakı ziyarətgahlar və dini turizm obyektlərinə gəzinti turları təşkil olunacaq.

Bundan əlavə, dini turizmin inkişaf etdirilməsi, həcc turizmində turist infrastrukturunun inkişafına investisiyalar və qrantların cəlb edilməsi ilə bağlı müzakirələrin aparılması üçün platforma yaradılacaq.

Forum iştirakçıları İslam mədəniyyətinin  inkişafında Özbəkistanın mədəni və tarixi mərkəzlərinin rolu barədə bəyannamə qəbul edəcəklər, həmçinin xarici tərəfdaşlarla investisiya sazişləri imzalanacaq.