Suriyada döyüşən terrorçulara "Cənnət üçün pasport" təqdim edilir

Suriyada ordusunun terrorçuları zərərsizləşdirmək məqsədilə onları təqib etmələri davam edir.

Mart ayının 7-də Homs əyalətində təhlükəsizlik qüvvələri terrorçulara aid çoxlu sayda silah-sursat aşkar ediblər.

Pulemyotlar, snayper tüfəngləri, gecə görmə cihazları, partlayıcı qurğular və müxtəlif modifikasiyalı tapançalarla birlikdə təhlükəsizlik qüvvələri saxta sənədlər, o cümlədən, pasportlar aşkar ediblər.

Maraqlısı isə həmin pasportların saxta olması ilə yanaşı həmin pasportların üzərində "Cənnət üçün pasport" yazılmasıdır. Bildirilir ki, həmin pasportlar terrorçulara ona görə təqdim olunub ki, yəni siz Suriya hökümətinə qarşı vuruşmaqla bir növ Cənnət əldə etmiş olursunuz.

Xatırladaq ki, vahhabilərin tanınmış alimləri və Suriya hökümətinin əleyhinə olan dövlətlərin satılmış şeyxləri Bəşər Əsədi kafir adlandıraraq camaatı onun əleyhinə cihad etməyə səsləyirlər. Bu "cihad"da şəhid olanları isə şəhid adlandırırlar.