Liviyalı məscid imamı liviyalı silahlıların Suriyada döyüşlərdə iştirak etdiyini bildirib

Liviyanın Benqazi şəhərinin "Cərir" məscidinin imam camaatı Şeyx İmad əl-Dursi Cümə xütbəsində xalqı Suriyada cihada səsləyərək artıq onlarla liviyalının Suriyada döyüşdüyünü bildirib.

əl-Dursi deyib ki, son günlərdə həmin döyüşçülərdən üç nəfəri hökümət qüvvələri tərəfindən döyüşlərdə həlak olub. Onlardan ikisi doğma qardaş olduğunu bildirən məscid imamı onların adlarını da qeyd edib. Onların adlarının Talal və Vəlid əl-Fituri olduğunu deyən əl-Dursi üçüncü şəxsin onların dostu Əhməd Cəlal əl-Uquri olduğunu açıqlayıb.

Xatırladaq ki, Rusiya Federasiyasının BMT-dəki nümayəndəsi Vitali Çurkin bir neçə gün öncə bildirmişdi ki, Suriya ərazisində liviya silahlıları vuruşmaqdadır. Onun bu sözlərinə reaksiya verən Liviya baş naziri bunun yalan olduğunu bildirmişdi.