Rusiya İslami Araşdırmalar Fondunun təşəbbüsü beynəlxalq kitab sərgisi keçirilir

Rusiya İslami Araşdırmalar Fondunun təşəbbüsü ilə Moskvanın "Non-Fictioan" (qeyri-bədii düşüncə ədəbiyyatı) daimi kitab sərgisində Qurani və İslami kitabların sərgisi təşkil olunub.

Ahlibeyt.az-ın İQNA-ya istinadən məlumatına görə, hər il təşkil olunan  və sayca 10-cu olan bu sərgi Rusiyanın 20-ci "Non-Fiction" beynəlxalq düşüncə ədəbiyyatı kitab sərgisinin çərçivəsində keçirilir.

Beynəlxalq Düşüncə Ədəbiyyatı Kitab Sərgisi Noyabr ayının 28-dən Dekabr ayının 2-dək Moskvanın "İncəsənətçilər Evi" sərgi mərkəzində keçiriləcək.

Qeyri-Bədii kitablar sərgisi keyfiyyət baxımından Moskvanın ən yaxşı illik kitab sərgisidir. Sərgi Rusiyanın federal kütləvi informasiyalar və mətbuat agentliyi tərəfindən təşkil olunub.

"Non-Fiction" kitab sərgisi təkcə nümayişgah deyil, həm də qələm əhli, yazarlar, kitab əhli, mədəniyyətsevərlər, şairlər, rəssamlar, senaristlər, mütərcimlər, ədəbiyyat təndiqçiləri, alimlər və kinomotoqrafların görüşdüyü yerdir.

Rusiyanın "İbn Sina" adına "İslami Araşdırmalar Fondu"nun məlumatına əsasən bu sərgidə 300 nəşriyyatçı, mədəniyyət fondu və kitab satıcısı iştirak edəcəkdir. Sərgidə 24 xarici ölkədən qonaq naşir vardır.

"İbn Sina" adına "İslami Araşdırmalar Fondu" və Sədra Nəşriyyatı da bu sərgidə öz məhsullarını nümayiş etdirəcək.