Bəhreynin Ali Məhkəməsi ölkə müxalifətinin lideri əl-Vəfaq partiyasının sədri şeyx Əli Salmanı Qətərə cəsusluq etməkdə ittihamlandıraraq, ömürlük həbsə məhkum edib.

Ahlibeyt.az-ın verdiyi xəbərə görə,Salamnews  bu barədə əl-Aləm telekanalına istinadla məlumat verir.

Bəhreynin Məhkəməsi bundan öncə Şeyx Əli Salmana Qətərə cəsusluq ittihamından bəraət vermişdi. Amma ötən gün Ali Məhkəmə hazırda həbsdə olan müxalifət liderinə ömürlük həbs verib.

Bundan savayı Bəhreyn parlamentinin sabiq deputatları əl-Vəfaq partiyasının üzvləri hazırda həbsdə olan Əli əl-Əsvəd və Həsən Sultanı ömürlük həbsə məhkum ediliblər.

Qeyd edək ki, müxalifət cari ayın 24-də Bəhreyndə keçiriləcək parlament seçkilərini baykot edib. Bəhreyn Körfəz ərəb dövlətləri arasında ən çox siyasi məhbusu olan krallıqlardan biridir.