Ərbəin ziyarətinə görə Kərbəlaya gələn zəvvarların sayı açıqlanıb - VİDEO

İraq rəsmisi “əl-Məlumə” Agentliyinə verdiyi müsahibədə bildirib ki, Ərbəin ziyarəti ərəfəsində Kərbəla əyalətinə 10 milyondan çox iraqlı və xarici zəvvar daxil olub.

Ə.əl-Miyali əlavə edib ki, bu say Kərbəla əyaləti üçün xidmətlərin təmin etmə baxımından çoxdur, buna görə əyalətdə xidmətlərin təmin edilməsində müəyyən problemlərin olacağı təxmin edilir.

O bildirib ki, Kərbəla əyalətinin zəvvar qəbul etmə baxımından gücü 1.2 milyon olmasına baxmayaraq, onlar Ərbəin mərasiminin təhlükəsiz və lazımi şəkildə keçirilməsini təmin edəcəklər.

İraqın Hava Yolları Şirkəti ötən həftənin şənbə günü elan edib ki, onlar 5 gün ərzində ölkə daxilində 30 min sərnişin daşıyıblar.

Qeyd edək ki, bu il Ərbəin( İmam Hüseynin(ə) 40 mərasimi) oktyabır ayının 30-a təsadüf edəcək.Ərbəin yürüşü dünyanın ən izdihamlı yürüşü hesab edilir.Hər il milyonlarla insan müsəlmanların birinci imamı  Həzrət Əlinin(ə) dəfn olunduğu müqəddəs Nəcəf şəhərindən Kərbəlaya doğru hərəkət edərək 90 km-ə qədər yolu piyada qət edirlər.