Şiə saytlarını bağlamaqdansa, təfriqə salan saytları bağlayın

Səudiyyə Ərəbistanının şiələr yaşayan məntəqəsinin imam camaatlarından olan Hüccətül-İslam Şeyx Həsən əl-Mətu Cümə xütbəsində etiraz aksiyalarında iştirak edənlərin həbs olunmasını pisləyib.

O deyib ki, həmin saxlanılan şəxslərin bir istəkləri var ki, o da hüquqlarının təmin olunmasıdır. Biz dövlətdən həmin hüquqların təmin olunmasını dəfələrlə istəmişik və bu təmin olunmayandan sonra küçələrə çıxmışıq deyən Şeyx Həsən əl-Mətu deyib ki, amma rejim bizi həbs edir və həbsxanalrda saxlanılanlara işkəncələr eidr. Bizim heç bir cinayət tərkibli günahımız yoxdu. Biz sadəcə öz hüquqlarımızın təmin edilməsində israrlıyıq.

Bəziləri saxlanılanların avara və cinayətkar olduğunu bildirərək həqiqəti təhrif edirlər deyən imam camaat bunun yalan olduğunu bildirib və deyib ki, saxlanılan şəxslər hər biri iş sahibi, bəziləri isə Qətif elitasına aid şəxslərdirlər.

Şeyx Həsən əl-Mətu həmçinin şiələrə aid saytları məntəqədə baş verən hadisələri işıqlandırdığına görə bağlanmasını pisləyərək deyib ki, rejim şiə saytlarını bağlamaqdansa, Səudiyyədə yaşayan şiə və sünnilər arasında fitnə və təfriqə salan saytları bağlasa daha düzgün olar.