Hacı Şahin Həsənli: Cümə namazının şənbə günü qılınması tələbi olmayıb

Məşədi Dadaş məscidinin imam camaatı Hacı Şahin Həsənli saytımızda "Cümə namazı şənbə günü qılınmalıdır!" xəbərini eşitdikdən sonra saytımızla əlaqə saxlayaraq bildirdi ki, tia.az saytına istinadən saytımızda verilən məlumat heç bir həqiqəti əks etdirmir.

Hacı Şahin Həsənli bildirib ki, son həftələr ərzində Dini Qurumlarla İş üzrə Dövlət Komitəsindən heç kəs məscidə gəlməyib və onunla əlaqə saxlamayıb. Ümumiyyətlə heç kim Cümə namazının şənbə günü qılınmasını tələb edə bilməz. Bu absurddur. Adından da məlumdur ki, bu namaz cümə günü qılınmalıdır və qılınır da.