Niderland parlamenti ictimai yerlərdə niqab və pərəncəni qadağan etdi

Niderland parlamentinin birinci palatası ictimai yerlərdə üzü bağlayan geyimlərin qadağan edilməsinə səs verib - Qaydanı pozanları 400 avro cərimə gözləyir

Ahlibeyt.az-ın Maide.az-a istinadən məlumatına görə, bu barədə “Financial Times” nəşri yazır.

Yeni qanuna görə, ictimai nəqliyyat, məktəblər, xəstəxanalar və dövlət müəssisəlrində paranca və niqab gadağan edilir.

Qaydanı pozanları 400 avro cərimə gözləyir.

Yeni qanunun 2019-cu ilin əvvəlində qüvvəyə minəcəyi gözlənir.  Parlamentin ikinci palatası bu qadağanı hələ 2016-cı ildə qəbul edib.

Həmçinin Danimarka 2018-ci il mayın sonlarında ictimai yerlərdə niqab və burka da daxil olmaqla üzü bağlayan geyimləri qadağan edib.

Bundan əvvəl Avstriya, Belçika və Fransa, habelə İsveçrə və İspaniyanın bir sıra rayonları, Kanadanın Kvebek əyalətində də bu cür qadağalar tətbiq edilib.