Misrdə “Ümumdünya Quran Xidmətçiləri Şurası” yaradıldı

Misrin tanınmış Quran mütəxəssisləri,araşdırmaçılar və hafizlərin iştirakı ilə “Ümumdünya Quran Xidmətçiləri Şurası” yaradıldı.

Ahlibeyt.az-ın məlumatına görə, İqna-nın “əl-Yəvm əs-Sabe” xəbər agentliyinə istinadən verdiyi xəbərə əsasən , bu barədə Misrin İslami İşlər və Vəqflər naziri Məhəmməd Muxtar Cümə açıqlama verib.

Misrin İslami İşlər və Vəqflər naziri Məhəmməd Muxtar Cümə deyib ki, bu şura Misrdən və xarici ölkələrdən olan bütün beynəlxalq Quran yarışlarının təşkilatçıları və hakimlərinin iştirakı ilə təşkil edilib.

Nazir bildirib ki, bu şuranın yaradılması barədə layihənin təfərrüatı Misrin beynəlxalq Quran yarışlarından sonra açıqlanacaqdır.

Qeyd edək ki, Misrin beynəlxalq Quran yarışları keçən həftənin şənbə günü, 24 Mart 2018-ci il, dünyanın 50 ölkəsinin iştirakı ilə başlayıb.