“Əl-Qüds – İslam dünyasının gənclər paytaxtı” proqramının açılışı olacaq

İƏT Gənclər Forumunun sədri Elşad İskəndərov İstanbulda Fələstinin Gənclər və İdman naziri Cibril Racubun başçılıq etdiyi nümayəndə heyətini qəbul edib. Tərəflər 2018-ci il fevralın 6-da Qüdsdə təntənəli açılışmərasimi nəzərdə tutulan “Əl-Qüds – İslam dünyasının gənclər paytaxtı 2018” proqramının başlanmasına dair yekun iclas keçiriblər.

Yekun hazırlıq, həmçinin il ərzində fəaliyyət planı nəzərdən keçirilib. Sonuncuya sosial, mədəni və elmi fəaliyyətlər daxildir. Proqram həm Fələstində, həm dəbütün dünyada icra olunacaq.

Mətbuat üçün birgə kommünikedə səfir Elşad İskəndərov və Cibril Racub qeyd ediblər ki, 2018-ci ildə Qüdsün İƏT paytaxtı seçilməsi Təşkilata üzv dövlətlər üçün İslam dünyasının mühafizəsi sahəsində yeni imkanlar yaradıb. Tərəflər həmçinin 2017-ci il dekabrın 13-də təşkil edilən Qüds konfarnsıa yüksək qiymət verərək, Türkiyəyə və prezident Ərdoğana yüksək səviyyədə tarixi görüşün təşəbbüsünə görə minnətdarlıqlarını bildiriblər.

Görüş iştirakçıları bir daha təsdiq ediblər ki, proqramın əsas məqsədləri İslam eyniliyi və Qüdsün əhəmiyyəti barədə məlumatlandırmanın səviyyəsinin artırılmasında, ümmət və Fələstin gəncləri arasında praktiki əməkdaşlığın genişlənməsində, həmçinin Fələstin gəıncliyi sıralarında vəhdətin möhkəmlənməsidir.

Mənbə: İslam.az