Tramp Fələstinə yardımın dayandırılmasının səbəbini açıqladı

Fələstin ABŞ-a hörmətsizlik edib, Fələstin İsraillə danışıqlara başlamayanadək onlara yardım verilməyəcək.

Ahlibeyt.az-ın RiaNovosti-yə istinadən verdiyi xəbərə görə, bunu ABŞ prezidenti Donald Tramp Davosda keçirilən "Dünya iqtisadi forumunda" Benyamin Netanyahu ilə keçirdiyi görüş zamanı açıqlayıb.

Tramp Fələstin rəhbərliyinin ABŞ-ın vitse-prezidenti Mayk Penslə görüşməkdən imtina etməsini hörmətsizlik adlandırıb:

Fələstinlilər ABŞ-dan yüz milyonlarla dollar yardım alır. Masa arxasına oturmayanadək və danışıqlara başlamayanadək onlara pul verilməyəcək”.

Qeyd edək ki, ABŞ prezidenti Donald Tramp ötən ilin dekabrında Qüdsü İsrailin paytaxtı kimi tanındığını rəsmi elan edib. Bu qərarla bağlı bir çox ölkə rəhbərlikləri etiraz bəyanatı ilə çıxış ediblər.