İran İslam İnqilabı bütün müsəlman xalqları üçün nümunədir

İraqın Ali İslam Şurasının sədri Seyyid Əmmar əl-Həkim Məhəmməd(s) peyğəmbərin mövludu münasibətilə keçirilən Ali İslam Şurasının xüsusi iclasında İran İslam İnqilabının bütün müsəlman xalqları üçün bir model olduğunu bildirib.

Hüccətül-İslam Seyyid Əmmar əl-Həkim Ali İslam Şurasının iclasında çıxışı zamanı deyib ki, mərhum İmam Xomeyninin əsas özəlliyi o idi ki, sübut etdi ki, İslam dininin vasitəsilə cəmiyyəti idarə etmək mümkündür. İmam Xomeyni(r) bütün dəstələri, o cümlədən, sağ və sol təmayüllü partiyaları öz rəhbərliyi altında bir edə bildi və İslam dininin höküməti idarə etmək nəzəriyyəsini həyata keçirtdi.

Bir rəhbərin digər özəlliyi özündən sonra tərbiyə etdiyi canişin yetişdirməkdir deyən Əmmar əl-Həkim deyib ki, mərhum İmam Xomeyninin vəfat etməsindən sonra Ayətullah Xamenei rəhbərliyi öz öhdəçiliyinə götürdü və dövləti idarə etmək qabiliyyətilə İslam İnqilabını qabağa apararaq, irəli çıxan maneələri keçə bildi.