İraqın baş naziri Haşdi-Şəbi ilə koalisiya qurdu, Müqtəda əs Sədr “od püskürdü”

İraq baş naziri Heydər İbadinin qurduğu “Qələbə və İslahat” koalisiyası "Haşdi Şəbi" ilə seçki ittifaqı imzalayıb.

Ahlibeyt.az-ın musavat.com-a istinadla məlumatına görə, İraq baş naziri Heydər İbadi bu ilin may ayında keçiriləcək seçkilərdə iştirak etmək üçün “Qələbə və İslahat” adlı koalisiya qurduğunu açıqlayıb. Heydər İbadi koalisiyaya Haşdi Şəbinin də qoşulduğunu bəyan edib.

İraqın şiə liderlərindən olan Müqtəda əs Sədr isə İbadinin Haşdi Şəbi ilə imzaladığı koalisiyanı sərt şəkildə ittiham edib.

“Boş siyasi müqavilələrə görə, xalqa başsağlığı verirəm. Ölkədəki cinayətlərin təkrarlanması üçün zəmin hazırlanır. Məndən də bu koalisiyada iştirak etməmi istədilər. Ancaq tamamilə rədd etdim. Mən separatizmdən uzaq, yeni İraq dövlətinin güclənməsini istəyənlərdənəm. Gələcəkdə bunu açıqlayacağıq” deyə Sədr qeyd edib.