"Uoll Striti işğal et" hərəkatının aktivisti İslam dinini qəbul edib

əl-Kövsər televiziya kanalına canlı yayımda müsahibə verən "Uoll Striti işğal et" hərəkatının aktivisti Monika Veyt İslam dinini qəbul etdiyini açıqlayıb.

Monika Veyt müsahibəsi zamanı deyib ki, mən Qərb mətbuatında İslam dininin və İranın çöhrəsini ləkələyən təbliğatlara dözməyərək elan edirəm ki, mən İslam dinini qəbul edirəm. Və bundan sonra İslam dini ilə yaxından tanış olmaq üçün çoxlu mütaliələr edəcəyəm.

ABŞ-da və dünyada cərəyan edən siyasi hadisələrə toxunan Monika Veyt deyib ki, bu gün ABŞ-da baş verənlər ümmandan bir damladır ki, gələcəkdə böyük hadisələrin şahidi olacağıq.