إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Niderlandda partiya sədri məscidləri yandırmaqla bağlı çağırış edib

Niderlandda ultrasağçı partiya sədri Xenq Van Din ölkədəki məscidləri yandırmaqla bağlı çağırış edib.

Ahlibeyt.az-ın İslam.az-a istinadən məlumatına görə, bu bəyanatla o rəhbərlik etdiyi partiyanı problemlə üz-üzə qoyub.

Partiya sədrinin anti-islam bəyanatına seçkilərdəki digər namizədin məscidlərlə bağlı müsbət çağrışı səbəb olub.

Belə ki, qarşı partiyanın namizədi Utrext şəhərindəki məscidi İkinci Qürur qülləsi adlandırıb. Bunun əksinə olaraq teledebat zamanı Xenq Van Din məscidlərin yandırılmasının tərəfdarı olduğunu bildirib.

Aparıcının ona "sözlərinizdə dəyişiklik etmək istəyirsiz?" sualına cavab olaraq ultrasağçı partiya rəhbəri bildirib ki, "biz bütün məscidlərin əleyhinəyik və düşünürük ki, onlar yandırılmalıdır."

Daha sonra o twitter hesabında əvvəlki fikrinə “düzəliş edərək” deyib “biz məscidlərin yandırılmasının deyil bağlanmasının tərəfdarıyıq. Güc qəbul edilməzdir.”

Qeyd edək ki, sözü gedən partiya bu ilin mart ayında keçiriləcək seçkilərdə aparıcı qüvvələrdən biridir.

Xatırladaq ki, radikal sağçı partiyalar son illərdə Avropa ölkələrinə miqrasiya krizisini islamfobiya istiqamətində istifadə edirlər.

 

 

Saytın materiallarından istifadə edərkən istinad vacibdir!
10 Yanvar, 2018  10:32 Çap

Bu bölmədə


© 2018 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com