5-10 fevral "Vəhdət Həftəsi"dir

Tarixi mənbələrdə Hz.Məhəmmədin(s) mövlud günü barədə 20-ə yaxın tarix söylənmişdir. Amma bu tarixlərdən əhli-sünnə alimlərinin nəzərinə görə, ən mötəbəri Rəbiul-əvvəl ayının 12-i, şiə tarixçilərinin və alimlərinin nəzərinə görə isə Rəbiul-əvvəl ayının 17-dir.

İslam dininin banisi Hz.Məhəməd(s) peyğəmbərinin mövludunu İslam dünyasının iki böyük məzhəbinin, şiə və əhli-sünnə məzhəbinin ayrı-ayrı gündə qeyd etməsi tarix boyu İslam dünyasında ürək ağrıdıcı məsələlərdən biri olmuşdur ki, iki məzhəbin arasında olan ixtilafları daha da qabartmaq üçün düşmənlərin də əlinə əlavə fürsətlər vermişdi. Məhz bu cür ixtilafları aradan qaldırmaq üçün 20-ci əsrin böyük alimlərindən olan Ayətullah Ruhullah Xomeyni(r) 1981-ci ildə 12-17 Rəbiul-əvvəl tarixlərini müsəlmanların birliyi naminə "Vəhdət həftəsi" adlandıraraq mövludu bu günlər ərzində qeyd etməyə səslədi. Və o gündən başlayaraq 12-17 Rəbiul-əvvəl "Vəhdət Həftəsi" adında qeyd olunmaqdadır.