Polis forması ilə bərabər hicab geyməsinə icazə verildi - Niderlandiyada

Niderlandiyada  hüquq-mühafizə orqanlarında çalışan  müsəlman qadınlar hicab geymək hüququna malikdirlər.

Ahlibeyt.az-ın məlumatına görə, Maide.az “islam-today”-ə istinadən xəbər verir ki, müvafiq qərar, ölkənin İnsan Hüquqları Komissiyası tərəfindən qəbul edilib. Komissiya hüquq mühafizə orqanlarında müsəlman xanımların başörtüsünün qadağan olmasını ayrı-seçkilik hesab edib.

Xatırladaq ki, Hollandiya qanunlarına əsasən, hüquq-mühafizə orqanlarına polis forması ilə yanaşı xidmətdə dini rəmzləri taxmaq qadağandır.

Buna görə polisdə işləyən müsəlman qadınlar isə adi paltarlarla xidmət edirlər. Bu isə onların karierasına əhəmiyyətli dərəcədə təsir edir.

Qeyd edək ki, polis forması ilə bərabər hicab geyilməsinə icazə verən qərar bütün polis əməkdaşlarına deyil, yalnız Komissiyaya şikayət verən Rotterdamlı Sara İzata şamil edilib.

Ancaq bunun gələcəkdə qanuna dəyişiklik üçün zəmin yarada biləcəyi də istisna olunmur.