İraq ordusu İŞİD-in son dayaq məntəqələrinə qarşı genişmiqyaslı əməliyyata başladı

Bu səhər İraq hökumət qüvvələri İŞİD-in nəzarətində olan son məntəqələri azad etmək üçün irimiqyaslı əməliyyatlara başlayıb.

Ahlibeyt.az-ın Tass agentliyinə istinadən məlumatına görə,Suriya ilə sərhəddə yerləşən ölkənin qərbindəki  Ənbar əyalətindəki Rava və əl-Qaim şəhərlərinin İŞİD-dən azad edilməsi üzrə əməliyyata İraqın Baş naziri Heydər əl-Abadi tərəfindən əmr verildiyi bildirilir.

Əməliyyatlara İraq ordusu,polis, Könüllü Xalq Birlikləri (Həşdi-Şabi) və xüsusitəyinatlı briqadalar tərəfindən aparılır.

Baş nazir Heydər əl-Abadi bildirib ki,ölkə ərasizindəki İŞİD terror birləşməsinin varlığına bu ilin axırına qədər son qoyula bilər.

Qeyd edək ki,bir gün öncə İraq ordusu Rabiə sərhəd məntəqəsini PKK/PYD terror qruplaşmasından azad edib. İraq ordusu PKK/PYD-dən Suriya tərəfə keçmələrini tələb edib.Qarşı tərəf tələbi yerinə yetirdiyi üçün qarşıdurma olmayıb. Beləliklə, Rabiə məntəqəsində nəzarət İraq hökumətinin əlinə keçib.PKK/PYD birlikləri Rabiəni məntəqəsində 2014-cü ildə İŞİD-dən almışdı.