Strasburqda Avropanın ən böyük məscidi genişləndiriləcək - Foto

"Sultan Əyyub" məscidi dini mərkəz və komleks olaraq Osmanlı imperiyası dövründə İslami memarlıq metodu ilə tikilmişdir

Ahlibeyt.az-ın İQNA-ya istinadən məlumatına görə,Fransanın Strasburq şəhərində Osmanlı dövrünə aid "Sultan Əyyub məscidi" uzun illərdir ki, Avropanın ən böyük məscidi sayılır.

Osmanlı dövrünün İslam memarlıq nümunəsi olan bu məscid müasir dövrün standartlarına uyğun olaraq dini mərkəz kimi yenidən tikilir.

Yeni tikiləcək məscidin ilk daşı və bünövrəsi bir gün əvvəl, 15 Oktyabr 2017-ci il tarixində qoyulub.

Məscid 6 hektarlıq ərazidə, bir dəfədə üç min nəfər namazqılan tutumu ilə tikiləcəkdir. Məscidin 28 günbəzi, 44 metrlik iki minarəsi, konfrans zalı, dərs otaqları, kitabxanası, restoranı, mağazası, 600 maşın tutumlu maşın və 260 velosepidlik velosepid parkı olacaqdır.

Məscid bundan öncə İGMG (Milli Görüş İslam Cəmiyyəti) tərəfindən1996-cı ildə təmir edilmişdi və 21 il təkcə ibadət ocağı kimi fəaliyyət göstərmişdi.