İran və Türkiyə ticarəti milli valyuta ilə həyata keçirəcək - Ərdoğan

İran və Türkiyə ticarəti milli valyuta ilə həyata keçirəcək.

Ahlibeyt.az-ın  Salamnews-a  istinadən məlumatına görə, bunu Türkiyə prezidenti Rəcəb Tayyib Ərdoğan İran prezidenti Həsən Ruhani ilə birgə keçirdiyi mətbuat konfransında bildirib.

“İqtisadi əlaqələrimizi mövcud valyuta məzənnəsinin təzyiqindən xilas etmək üçün milli valyuta ilə ticarət etmək prosesini həyata keçməyə qərar verdik. Mərkəz banklarımız gələn həftə müvafiq anlaşmanı imzalayacaqlar. Eyni zamanda  banklarımız İranda, İran bankları isə Türkiyədə  filial aça biləcək”, deyə o bildirib.

Ərdoğan həmçinin bildirib ki, enerji sektorunda da əməkdaşlıq davam etdiriləcək:

“Mədəniyyət və turizm sahəsində də əməkdaşlıq davam etdiriləcək. Bu sahədə təcrübəmizi İranla bölüşməyə hazırıq. Turizm sektorundakı sərmayəçilərimizi İranda fəaliyyət göstərməyə təşviq edəcəyik”.