İraq kürdüstanında keçirilən referenduma etiraz - Türkiyə və Rusiya prezidentlərindən açıqlama

Türkiyə və Rusiya prezidentləri Rəcəb Tayyip Ərdoğan və Vladimir Putin İraqın kürd muxtariyyətində baş verən son hadisələri müzakirə ediblər.

Ahlibeyt.az-ın APA-ya istinadən xəbərinə görə, bu barədə Putin Ərdoğanla danışıqlarının yekunları ilə bağlı mətbuata açıqlamasına bildirib.

“Sözsüz , İraqın kürd muxtariyyətində keçirilən müstəqillik referendumu ilə bağlı son vəziyyəti də müzakirə etdik. Rusiyanın prinsipial mövqeyi bəllidir – bu mövqe Rusiya XİN-nin bəyanatında öz əksini tapıb. Bu gün biz cənab prezidentlə bu barədə ətraflı danışdıq”, - deyə Putin qeyd edib.

R.T.Ərdoğan danışıqların yekunlarını şərh edərkən kürd muxtariyyətində müstəqillik referendumunun keçirilməsini böyük səhv adlandırıb.

“Suriya və İraqı müzakirə etdik. İraq və Suriyanın ərazi bütövlüyünün qorunmasının vacibliyi məsələsində həmfikir olduq. Bu referendumun heç bir qanuniliyi yoxdur. Şimali İraq rəhbərliyi böyük səhvə yol verib. Heç kimin bizim regionu alovlandırmağa haqqı yoxdur”, - deyə Ərdoğan jurnalistlərə bildirib.