Məkkədə İranlı din xadiminə hücum edən 3 nəfər şəxs saxlanılıb

Məkkədə iranlı ruhaniyə hücum edilib

Ahlibeyt.az-ın məlumatına görə, İslamazeri.com İran mediasına istinadən xəbər verir ki, 6 sentyabrda naməlum şəxslər İranlı ruhaniyə Məkkədə hücum ediblər.

İranlı din xadiminə hücum edən 3 nəfər şəxs Səudiyyə polisi tərəfindən saxlanılıb.

Məlumata görə,müxtəlif bədən xəsarətləri alan höccətülislam vəl muslimin Hüseyn İsmaili İran və yerli tibbi yardım işçiləri tərəfindən xəstəxanaya çatdırılıb.

Bununla bağlı İranın Həccdəki missiyasının rəhbərliyi Səud rejiminə müraciət edib və polis axtarışlara başlayaraq hələlik 3 nəfəri saxlayıb.

Axtarış tədbirlərinin davam etdiyini bildirən Səud polisi məsələ ilə bağlı ciddi narahatçılıq keçirib. Çünki, Səudiyyə İran qarşısında iranlı hacıların təhlükəsizliyi üçün öhdəlik götürərək onların təhlükəsizlik və mühafizəsinin təmin ediləcəyini söz vermişdi.