Türkiyə prezidentinin Azərbaycana səfərinin tarixi açıqlanıb

Türkiyə prezidenti Rəcəb Tayyib Ərdoğan Azərbaycana sentyabrın sonunda səfər edəcək

Ahlibeyt.az-ın APA-ya istinadən məlumatına görə, Türkiyə xarici işlər naziri Mövlud Çavuşoğlu Azərbaycanın xarici işlər naziri Elmar Məmmədyarovla Bakıda keçirilən görüşdə bildirib ki, səfər BMT Baş Assambleyasının sessiyasından sonra baş tutacaq.

BMT Baş Assambleyasının 72-ci sessiyasının rəsmi açılışı sentyabrın 12-də Nyu-Yorkda keçiriləcək.

Ənənəvi müzakirələrin aparılması isə sentyabrın 19-dan 25-dək nəzərdə tutulur.

Ərdoğan 19-25 sentyabrda keçiriləcək müzakirələrdə iştirak edəcək.

Türkiyə prezidentinin Azərbaycana səfəri sentyabrın 10-11-nə nəzərdə tutulsa da, sonradan təxirə salınmışdır.

Qeyd edək ki, R.T.Ərdoğan sentyabrın 8-dən 10-na qədər Qazaxıstanda səfərdə olacaq.Türkiyə prezidenti, Qazaxıstan prezidenti Nursultan Nazarbayevlə keçiriləcək görüşdə  Myanmadakı humanitar faciə, eləcə də FETÖ terror təşkilatı ilə birgə mübarizə məsələlərini müzakirə edəcək.Qazaxıstandan sonra Türkiyə dövlət başçısı Azərbaycana iki günlük rəsmi səfəri nəzərdə tutulmuşdu.