Sərgiyə gələnlər Kəbə örtüyünun əsrlər boyu hansı parçadan olduğunu və hazırda örtüyün hansı parçadan olduğuna baxa bilər.

Ahlibeyt.az-ın Maide.az-a istinadən verdiyi xəbərə görə, Məkkədə Müqəddəs Kəbə örtükləri sərgisi açılıb.

Sərgidə Kəbə örtüyünün hazırlanması üçün istifadə olunan alətlər, Kəbə üçün örtüklər hazırlayan ustaların şəkilləri və s. nümayiş olunur.

Bildirilir ki, örtüyün hazırlanması çox zəhmət tələb edən prosesdir. Onun hazırlanması üçün bir qayda olaraq, bir neçə ay vaxt sərf olunur. Kəbə örtüyünün hazırlanması prosesində 170 müxtəlif sənətkar iştirak edir.

Xatırladaq ki, Kəbə örtüyü, ildə bir dəfə dəyişdirilir və bu proses Ərəfə günündə baş verir.