Mosul İŞİD-dən tam azad olundu - İraq ordusundan açıqlama

Mosulda heç bir İŞİD terrorçusu qalmayıb və şəhər tamamilə dövlətin nəzarəti altına keçib.

Ahlibeyt.az-ın Ria-ya istinadən verdiyi xəbərə görə,bu barədə İraqın dövlət teleşirkəti məlumat yayıb.

İraq müdafiə nazirliyinin açıqlamasında bildirilir ki,Mosul şəhəri İŞİD terror qruplaşmasından təmamilə təmizlənib və artıq şəhərin heç bir bölgəsində silahlılar müqavimət göstərmir.Silahlıların təslim olacağı gözlənilir.

İraqda İŞİD terror təşkilatının lideri Əbubəkr əl-Bağdadinin 2014-cü ilin yayında "İslam xilafəti"ni elan etdiyi Mosuldakı Əl-Nuri məscidi terrorçulardan təmizlənib.

Bir neçə gün əvvəl minarəsi partladılaraq dağıdılmış məsciddə artıq İraq bayrağı dalğalanır.

Məlumata görə, İraq ordusunun Mosulun terrorçuların nəzarətində qalan son iki məhəlləsinin də azad edəcəyi bildirilib.