Almaniyanın ən böyük məscidində ilk namaz qılınıb (Foto-Video)

Kölndə açılışı olan bu məscidin dinlərarası sülh və dostluq simvolu olacağına ümid edildiyi bildirilib.

Ahlibeyt.az-ın məlumatına görə. məscidin arxitektoru olan Paul Byem kilsələrin tikilməsi üzrə mütəxəssislərdən biridir.

Osmanlı üslubunda tikilmiş məscid şüşə günbəz və 55 metr hündürlüyündə olan iki minarədən ibarətdir.

Məscid 5 ilə tikilib. Diyanet İşleri Türk İslam Birliği (DITIB)  və 800-dən çox İslam birliyi assosiasiyalarının vəsaiti ilə inşa edilən məsciddə eyni anda 4500 nəfərin ibadət etməsi nəzərdə tutulub.

İlk namaz azanını Diyanət İşləri Türk-İslam Birliyi (DİTİB) başqanı professor Nevzat Aşıkoğlu, ilk xütbəni isə, Essen konsulluğunun din xidmətləri üzrə atteşesi Suat Okuyan türkcə və almanca oxuyub.

Ümumilikdə 17 min kvadratmetr sahəni əhatə edən məscid kompleksinə kitabxana,muzey,İslam mədəniyyət mərkəzi,restoran və mağazalar daxildir ki,bunlar da  ora ziyarətə gələn bütün dini konfesiya ardıcıllarının üzünə açıq olacaq.

Bildirilir ki,məscidin tikintisi 40 milyon dollara başa gəlib