İQNA agentliyinin keçmiş baş direktoru İranda baş verən terror hücumu zamanı dünyasını dəyişib

İQNA(Beynəlxalq Quran Xəbər Agentliyi) agentliyinin keçmiş baş direktoru Höccətul-İslam Seyid Mehdi Təqəvi İran Ali İslam Şurasına(Parlamentinə) edilən terror hücumu zamanı şəhid edildi.

Ahlibeyt.az-ın  İQNA-ya istinadən məlumatına görə,agentliyin keçmiş baş icraçı direktoru və hazırda parlament deputatı olan Hacı Deliqaninin ofisinin məsul işçisi Höccətul- İslam Seyid Mehdi Təqəvi İran parlament binasına edilən terror hücumu zamanı şəhid edildi.

Hacı Deliqani bu baradə bildirib ki,silahlı terrorçuların İran Milli Məclis binasından çəkərək yaydığı video görüntü mənim ofisimə aiddir və mənim iki nəfər həmkarım bu hadisədə şəhidlik məqamına yüksəliblər.

O qeyd edib ki, ofisin məsulları Zarei və Seyid Mehdi Təqəvi silahlıların video çəkiliş etdikləri  otaqda şəhid ediliblər.

Qeyd edək ki,iyunun 7-də İran parlament binasına və mərhum Ayətullah Musəvi Xomeyninin dəfn olunduğu məqbərəyə silahlı hücum həyata keçirilib.Hucum zamanı 13 nəfər dünyasını dəyişib 40 nəfər yaralanıb.İran hüquq mühafizə orqanlarının əməliyyatı nəticəsində terrorçular zərəsizləşdirilib.