İraqda qadın və qocaların qətlə yetirildiyi kütləvi məzarlığı aşkarlanıb

İraqın Mosul şəhərində cəsədlərinin böyük əksəriyyətinin qadın və qocaların olduğu kütləvi məzarlıq aşkarlanıb.

Ahlibeyt.az-ın məlumatına  görə, bu barədə “Al-Sumaria” telekanalı xəbər verib.

Kütləvi məzarlıq Mosulun qərb bölgəsində aşkarlanıb. İraq rəsmi qaynaqları tapılan şəxslərin İŞİD terror təşkilatının qurbanları olduğunu bildirib. Məzarlıqdan qətlə yetirilmiş 60 nəfərin cəsədi tapılıb.İraq polis açıqlama verib ki,qətlə yetirilənlərin böyük əksəriyyətinin yaşlı insanlar və qadınlardır.

Məlumata görə, cəsədlər yaxınları tərəfindən tanınılması üçün Vadius Həcər hospitalına göndərilib.

Faktla bağlı araşdırlamlara başlanılıb.

Qeyd edək ki,hazırda İraqın Mosul şəhərinin İŞİD-dən azad edilməsi əməliyyatı çərçivəsində hökumət qüvvələri,federal polis,xüsusitəyinatlılar və könüllülərdən ibarət briqadalar birgə əməliyyat keçirir.İŞİD qruplaşmasının əlində 180 minə qədər əhalinin məskunlaşdığı 5% qədər ərazi qalıb.

Xatırladaq ki,keçən ilin oktyabr ayında başlayıb. Bundan əvvəl şəhərin şərq hissəsi terrorçulardan azad edilib. Mosulun qərbinin azad edilməsi üçün əməliyyat bu ilin fevralından davam edir.