Gürcüstan tarixində ilk dəfə hazırlanan dinlərin statistik xəritəsinin təqdimatı keçirilib - Foto

Gürcüstanda ilk dəfə olaraq bölgələrə görə dinlərin statsistik vəziyyəti və fərqli dinin ardıcıllarının  hansı şəhər və rayonlarda yaşadıqlarını əks etdirən xəritələr çap olunub.

Gürcüstan Müslmanları İdarəsdən(GMİ) Ahlibeyt.az-a verilən məlumata görə,tədbirdə Dini Məsələlər üzrə Dövlət Agentliyinin təşəbbüsü ilə çap olunan xəritələrin yeni hazırlanmış elekton versiyası da təqdim olunub.

Dini icmaları rəhbərləri, səfirlər, dövlət və ictimaiyyət xadimlərinin iştirak etdiyi tədbirdə həmin dini qurum tərəfindən çəkiliş aparılaraq hazırlanan Gürcüstandakı dini məkan və ibadətxanaların 3D fotoları da nümayiş edildi.

Dini Məsələlər üzrə Dövlət Agentliyinin sədri Zaza Vaşakmadze çıxışında bildirib ki, ölkədə dini icmaların statstik məlumatını əks etdirən bu xəritəyə ehtiyac  olduğu üçün uzun müddət çalışmalardan sonra bu xəritələr  hazırlanıb.

Tədbirdə çıxış edən dövlət rəsmiləri Gürcüstann bütün dini konfessiyaların sülh və əminamanlıq içərisində azad yaşamalarının bir çox dünya ölkələrinə nümunə olduğunu bildirilib.

Elektron versiya

Bölgələrə görə: http://religion.geo.gov.ge/statmaps/

Şəhər və rayonlara görə: http://religion.geo.gov.ge/statmaps/#