İŞİD İraq və Suriyadan Deyr əz-Zora kimyəvi silah mütəxəssisləri toplayır

İŞİD terror təşkilatı İraq və Suriyadan Deyr əz-Zora kimyəvi silah mütəxəssisləri cəlb edir.

 

Ahlibeyt.az-ın  FaktXeber.com-a istinadən məlumatına görə, bu barədə CNN Amerika kəşfiyyatındakı mənbəyə əsasən xəbər yayıb.

 

Kanal bildirir ki, terrorçular bunu nəzarətlərində qalan əraziləri əllərində saxlamaq ümidi ilə edirlər.

Əldə olunan məlumatlara görə, Deyr əz-Zor ətrafında hazırda təkcə İŞİD terrorçuları və onların müttəfiqləri deyil, həmçinin təşkilatın lideri Əbu Bəkr əl-Bağdadi var.

ABŞ-ın rəhbərlik etdiyi hərbi koalisiyanın rəhbəri polkovnik Rayan Dillon CNN-ə bildirib ki, terrorçular dəfələrlə aşağı növ kimyəvi maddələr istifadə ediblər və bunu yenidən etməyə hazırdırlar.

Təkcə son 1 ayda İŞİD terrorçuları Qərbi Mosulda və onun ətraf ərazilərində azı 15 dəfə kimyəvi silahdan istifadə ediblər. Bununla belə, amerikalı hərbçilər bildirirlər ki, İŞİD-in kimyəvi silahının effektivliyini artırmağa ehtiyac yoxdur: Qərb koalisiyası bununla əlaqədar ümumiyyətlə itki verməyib.