Qazaxstan prezidenti: Cəhalət nəticəsində gənclərimiz saqqal uzadır və şalvarlarını qısaldırlar

Qazaxıstan prezidenti Nursultan Nazarbayev kişilərə saqqalı uzatmaq, qadınlara isə qara rəngli paltarla tam örtünməyi qadağan edən qanun hazırlanmasını təklif edib.

Ahlibeyt.az-ın FaktXəbər-ə istinadən verdiyi məlumata görə, bu barədə Nazarbayev Qazaxıstan Müsəlmanları Dini İdarəsinin rəsmiləri ilə görüşdə danışıb.

Prezidentin Mətbuat Xidməti açıqlayıb ki, ölkə başçısı gənc nəslin dini cəhalətin təsirində olmasını istəmir: "Cəhalət nəticəsində gənclərimiz saqqal uzadır və şalvarlarını qısaldırlar. Qara paltarlarla özünü tam örtən qızların da sayı artır. Bu nə xalqımıza, nə də ənənələrimizə uyğun deyil. Qanunvericilik səviyyəsində qadağa prosesi işlənib hazırlamalıdır. Mən əminəm ki, qazaxlar matəm müddəti ərzində qara paltar geyinirlər".