Moskvada II-ci Beynəlxalq Qurani-kərim Festivalı keçirilir

Rusiya paytaxtı Moskvada II-ci Beynəlxalq Qurani-kərim Festivalı keçirilir.

Ahlibeyt.az-n Salamnews-a istinadən verdiyi xəbətrə görə, Festivalın keçirilməsi müxtəlif mədəniyyətlərin, adət-ənənələrin, İslam və Quran maarifinin tanıdılması məqsədi daşıyır. Eyni zamanda İslam və Qurani-kərimlə bağlı qaranlıq qalan mətləblərə aydınlıq gətirmək və yalnış düşüncələrin aradan qaldırılması da tədbirin əsas məqsədlərindən biridir.

Festivalda müxtəlif ölkədən olan din xadimləri, mədəniyyət nümayəndələri və elm adamları, eləcə də Quran qareləri və hafizləri iştirak edirlər.

İştirakçılar festivalın əhəmiyyətindən danışaraq bunun hər il müxtəlif ölkələrdə təşkil edilməsinin lazım olduğunu bildiriblər.

“Təəssüf ki, İslam və müsəlmanlar barədə yalnış düşüncələr formalaşıb. Əksər insanlar İslam və Quranın əsl mahiyyətindən xəbərsizdir. Burada İslam və Quran haqqında müxtəlif xalqların nümayəndələrinə məlumat verilir, məsələlərə aydınlıq gətirilir. Belə festivalların keçirilməsi olduqca zəruridir", - deyə Moskva Cümə məscidinin imamı İldar Alyautdinov bildirib.