İraq vətəndaşlarının ABŞ-a girişinə qadağa qanunu ləğv edildi

ABŞ prezidenti İraq vətəndaşlarının Birləşmiş Ştatlara girişini məhdudlaşdıran qanun  lahiyəsi siyahısından çıxarıb.

Ahlibeyt.az-ın  TASS-a istinadla məlumatına görə, rəsmi Bağdadın Vaşinqtonla terrorizmə qarşı əməkdaşlığı aktivləşdirməsi İraqın siyahıdan çıxarılmasına şərait yaradıb.

Bu barədə xarici jurnalistlərə məlumat verən Ağ ev rəsmiləri ölkə başçısının miqrasiya ilə bağlı yeni sənəd imzalamaq niyyətində olduğunu bildiriblər.

Bununla belə,keçmiş qanun lahiyəsindən fərqli olaraq,yeni qəbul olunmuş qanun lahiyəsinə görə, hazırda ABŞ ərazisində olan siyahıya salınmış ölkə vətəndaşlarına qarşı heç bir məhdudiyyət tətbiq olunmayacaq.

Qeyd edilib ki,qanun lahiyəsinə görə, altı müsəlman ölkəsi -  İran, Yəmən, Liviya, Suriya, Somali və Sudan vətəndaşlarının ABŞ-a girişinin 90 günlük məhdudlaşdırılması artıq təsdiqlənib. İraqın istisna edilməsinin səbəbi hökumətin ölkədən çıxanlara qarşı yeni yoxlamalar tətbiq etməsidir.