Hicab məhbusunun oğluna cinayət işi açıldı

Azərbaycanın tanınmış ruhanilərindən biri olan və hicab qadağasına etirazını bildirdiyi üçün şərlənərək həbs olunan Seyyid Fəramiz Abbasovun oğlu Kamran Abbasova qarşı cinayət işi açılıb. Kamran Abbasov atası Fəramiz Abbasovun üzünə duran yalançı şahid Əlihüseyn Kərimovu döyməkdə ittiham olunur.

Belə ki, Sentyabr ayının 14-ü Hicab Məhbusları Azərbaycan İslam Partiyasının (AİP) sədri Hacı Mövsüm Səmədov, onun qaynı Firdovsi Məmmədrzayev, əmisi oğlu Dəyanət Səmədov, partiya sədr müavini Vaqif Abdullayev və Astara rayon təşkilatının sədri Rufulla Axundzadə, ruhanilər Seyyid Fəramiz Abbasov və Zülfüqar Mikayılzadənin cinayət işi üzrə məhkəmə iclasından sonra Kamran Abbasov tərəfindən döyüldüyünü iddia edən Masallı rayon Öncəqala kənd sakini Əlihüseyn Kərimov K.Abbasovdan polisə şikayət etmişdir.Kamran Abbasova qarşı Bakı şəhəri Nəsimi rayon polis idarəsində 221.2.1 və 127.2.3 maddələri ilə cinayət işi açılmışdır.Kamran Abbasovun  verdiyi məlumata görə, atası Fəramiz Abbasovun üzünə duran şahidlər Masallı polis əməliyyatçısı Nazim Əkbərov, Masallı rayon sakini Camal Qasımov indi də onun üzünə duraraq Nəsimi polisinə Kamran Abbsovun Ə. Kərimovu döydüyünü bildirmişlər.

Masallı rayon polis idarəsinin cinayət axtarış bölməsinin rəisi Əbülfət Abdullayev də yazılı izahat verərək Əlihüseyn Kərimovu Kamran Abbasovun döydüyünü yazmışdır.Yenə də qeyd etmək istərdik ki, şikayətçi Əlihüseyn Kərimov və hər üç şahid Nazim Əkbərov, Camal Qasımov və Əbülfət Abdullayev Fəramiz Abbasova qarşı sürülən yalançı ittihamlara görə Seyyid Fəramizin üzünə duraraq şahidlik etmişlər.Kamran Abbasov açıqlamasında, ona qarşı sürülən yalançı ittihamın atası Fəramiz Abbasovla bağlı olduğunu bildirdi.

Kamran Abbasov: Masallı polisi mənə daim xəbərdarlıq edərək atam Fəramiz Abbasov barəsində susmağı tapşırmışdı. Yəqin bu tapşırığa əməl etmədiyim üçün belə bir saxtakarlıqla üzləşmişəm.

xeber44.com