İraq ordusu Mosul döyüşlərində son 24 saatda 14 yaşayış məntəqəsini azad etdi

İraq ordusu Mosul əməliyyatı çərçivəsində ondan çox yaşayış məntəqəsini terrorçulardan təmizlədi.

Ahlibeyt.az-ın islamazeri.az-a istinadən verdiyi xəbərə əsasən, İraq hərbçiləri Mosul şəhərinin qərb hissəsinin İŞİD terror təşkilatından azad edilməsi üzrə keçirilən döyüşlərin ilk günündə şəhərin ətrafında 14 kənd üzərindəki nəzarət bərpa edilib.

Bu haqda məlumatı əməliyyatın komandanı Əbdül Əmir Yarallah verib.

Hərbi kampaniya qərargahından qeyd ediblər ki, ordu demək olar ki, Qərbi Mosulu elektrik enerjisi ilə təmin edən elektrikstansiyasını da nəzarət altına ala bilib.

Xatırladaq ki, bazar günü İraq Baş naziri Heydər əl-Abadi Qərbi Mosulun İŞİD-dən azad edilməsi əməliyyatının başlaması haqda elan edib. Hərbi əməliyyatlarda İraq ordusunun 9-cu zirehli avtomobil və tank diviziyası, DİN-in cəld reaksiya dəstələri və “Həşd Şabi” xalq könüllüləri iştirak edir.