Misir tarixində ilk dəfə olaraq məscidlərə qadın xatiblər təyin olundu

Misir tarixində ilk dəfə olaraq 140-dan çox qadın ölkə ərazisində fəaliyyət göstərən məscidlərə xətib təyin edilib.

Ahlibeyt.az-ın Tass-a istinadən məlumatına görə,bu qərar Misir Vəqf  İşləri Üzrə Nazirlik(Dini İşlər Nazirliyi) tərəfindən verib.

Məlumata görə, bu vəzifəyə təyin olunan ilk qrupa  daxil olan 144 qadının hamsı yüksək ilahiyyat (teologiya) təhsilinə yiyələnib.Qərardan məqsəd ölkə vətandaşlarının həqiqi  İslam dəyərləri ilə daha yaxından tanış olmaları hədəflənir.

Ölkə Vəqflər nazirliyinin açıqlamasına görə,bu yolla xüsusən gənc qadınların radikal cərəyanlar tərəflərindən aldadılaraq öz sıralarına qoşulmasının qarşısı alınacaq.

Bildirilib ki, qadın xatiblərin fəaliyyət ərazisi məscidlərdə qadınlar üçün nəzərdə tutulmuş  hissəsi ilə məhdudlaşacaq.Xütbələr və qadın məsələlərinə dair fiqhi açıqlamalar həftədə 2 dəfə keçiriləcək.

Bu qərar hazırki Misir hökumətinin ölkədə radikalizm əleyhinə apardığı maarifləndirici tədbirlər sırasında qəbul olunub.