Türkiyədə "Kanal 14" və "Kanal 12"-nin yenidən yayıma qayıtmaq ehtimalı yaranıb

Türkiyədə Cəfərilərinin telekanalı olan "Kanal 14" və "Kanal 12"-nin yenidən yayıma qayıtmaq ehtimal yaranıb.

Ahlibeyt.az-ın faktxeber-ə istinadən məlumatına görə,buna səbəb Türkiyə Radio-Televiziya Üst Qrumunun (RTÜK) tətbiq etdiyi qadağanı aradan qaldırmasıdır.

Qanun Hökmündə Sərəncamlar (KHK - Kanun Hükmünde Kararnameler) rəsmi qəzetində dərc olunan bugünkü məqalədə qeyd olunur ki, KHK-nin 11-ci maddəsi ilə Nazirlər Kabinetinin Qərarı ilə ölkə ərazisində elan edilən fövqəladə hal kontekstində qüvvəyə minən sərəncamlar əsasında bağlanılan özəl radio və televiziyaların lisenziyaları, yayım hüquqları, tezlik və ofisləri Radio və Televiziya Üst Qurumu nəzdində fəaliyyət  göstərən Maliyyə Nazirliyinin tələbi ilə RTÜK tərəfindən bərpa edilir.

Qeyd edək ki, Türkiyədə 15 iyul dövlət çevrilişinə cəhddən sonra tətbiq edilən fövqəladə vəziyyət çərçivəsində hazırlanan 683 nömrəli qərara əsasən ötən ay ölkədə fəaliyyət göstərən çoxlu sayda telekanal və dövlət müəssisəsi bağlanmışdı.

682, 683, 684 və 685 saylı sərəncama əsasən, 367 nəfər vəzifəsindən çıxarılmış, 124 nəfərin isə vəzifəsi dəyişdirilmişdi. Bundan əlavə 2 televiziya kanalı bağlanılmışdı. Bağlanılan televiziya kanallarından biri ictimaiyyətdə "Cəfərilərin televiziyası kimi tanınan ON4 TV, digəri isə Kanal 12 adı ilə fəaliyyət göstərən telekanal olmuşdu.