Ailə institutunun İƏT dövlətlərində qorunmasına həsr olunmuş beynəlxalq konfrans keçiriləcək.

Fevralın 8-9-da Səudiyyə Ərəbistan Krallığının Ciddə şəhərində “Evlilik, ailə institutu və bu dəyərlərin İslam Əməkdaşlıq Təşkilatı (İƏT) dövlətlərində qorunması”na həsr olunmuş İƏT-ə üzv dövlətlərin Nazirlər Konfransı keçiriləcək.

Ahlibeyt.az-ın verdiyi xəbərə görə, Ailə, Qadın və Uşaq Problemləri üzrə Dövlət Komitəsinin yaydığı məlumatda bildirilir ki, konfransda komitənin sədri Hicran Hüseynova iştirak edəcək.

Tədbirdə islam dəyərləri, islamda qadın hüquqlarının qorunması, ərəb, Asiya, Afrika ölkələrində nikah və ailə institutunun üzləşdiyi problemlər və onların həlli müzakirə ediləcək, bu mövzular üzrə təqdimatlar keçiriləcək. Konfransın yekununda bir sıra mühüm sənədlərin imzalanması nəzərdə tutulur.