Britaniyanın Baş naziri müsəlman qadınların hicab taxma hüququnu müdafiə edib

Böyük Britaniyanın Baş naziri ölkədə niqabın qadağan edilməsi ilə bağlı səslənən təkliflərə münasibət bildirib.

Ahlibeyt.az-ın İslamazeri.az-a istinadən verdiyi xəbərə görə,bu barədə “Islam Today” məlumat verib.

Məluamata görə  Böyük Britaniyanın Baş naziri Tereza Mey müsəlman qadınların hicab taxma hüququnun lehinə çıxış edib.

O, bu bəyanatı “Birləşmiş Krallığın Müstəqilliyi Partiyası”nın lideri Pol Nattolun ölkədə pərəncə və niqabın qadağan edilməsi təklifinin fonunda edib.

Xatırladaq ki, artıq Avropanın bir sıra ölkələrində bu cür qadağalar mövcuddur.

Bu mövzu ilə bağlı sualı Meyə İcmalar Palatasının iclasında parlamentin “Şotland Milli Partiyasından” olan üzvü Təsminə Əhməd Şeyx verib.

Xanım Təsminə Şeyx hər il fevral ayının 1-i Beynəlxalq Hicab günü kimi qeyd edildiyini də xatırladıb.

“Mən tam razıyam ki, qadın nə geyinəcəyini özü seçməlidir.” - deyə o qeyd edib.