İŞİD-in Ənbardakı son qalası bombardman edildi

İraq HHQ-in İŞİD terrorçularını bombardman etməsi nəticəsində onlarla terrorçu məhv edilib.

Ahlibeyt.az-ın İslamazeri-yə istinadən verdiyi xəbərə əsasən,bu barədə Sputnik agentliyi məlumat yayıb.

İraq HHQ ölkənin qərbində yerləşən Ənbar əyalətində İŞİD terrorçularının 2 təlim düşərgəsini bombardman edib. Azı 45 terrorçu məhv edilib.

Hava zərbələri əl-Qaim şəhərinə - İŞİD terror təşkilatının Ənbar əyalətindəki son istinadgahına endirilib.

Hərbçilərin məlumatına əsasən, birinci düşərgədə 15, ikincidə isə təxminən 30 terrorçu məhv edilib, daha 25-i isə yaralanıb. Onlara məxsus silah-sursat ehtiyyarları da məhv edilib.

Xatırladaq ki, İraq hərbçiləri ölkənin şimalında İŞİD əleyhinə keçirilən Mosul əməliyyatına parallel olaraq, yanvar ayının  əvvəlindən Ənbar əyalətinin qərbində də aktiv əməliyyatlara başlayıb.

Qeyd edək ki, Ramadi və Fəllucə şəhərləri də daxil olmaqla, Ənbar əyalətinin böyük hissəsi 2016-cı ildə İŞİD terror təşkilatından azad edilib.