İSESCO "Məşhəd - İslam Mədəniyyətinin paytaxtı" festivalında iştirak edəcək

İSESCO baş katibinin müavini  Əminə Hacəri  2017-ci ildə "Məşhəd - İslam mədəniyyətinin paytaxtı" festivalının açılış mərasimində iştirak edəcək.

Ahlibeyt.az-ın İQNA-ya istinadən verdiyi xəbərə görə,bu barədə İslam Elm,Təhsil və Mədəniyyət Təşkilatı"nın (İSESCO) rəsmi saytı məlumat yayıb.

İslam Elm,Təhsil və Mədəniyyət Təşkilatı"nın (İSESCO) baş katibinin müavini Əminə Hacəri, bu təşkilaın baş katibi Əbdül-Əziz ibn Osman Tuveycirinin nümayəndəsi olaraq festivalın açılış mərasiminə qatılacaq və açılış mərasimində İSESCO katibinin müraciətini çatdıracaq.

"Məşhəd - İslam mədəniyyətinin paytaxtı" festivalının açılış mərasimi 2017-ci ilin Yanvar ayının 24-də,İranın Xorasan əyalətinin Məşhəd şəhərində İranın İrşad və Mədəniyyət naziri, Məşhəd şəhərinin rəsmi nümayəndələri və İranın mədəniyyət sahəsində tanınmış şəxsiyyətlərinin iştirakı ilə keçiriləcək.

Qeyd edək ki, 2017-ci il üçün İranın Məşhəd şəhərindən əlavə İSESCO tərəfindən Sudanın "Sinar", İordaniyanın "Oman" və Uqandanın "Kampala" şəhərləri də İslam Mədəniyyəti paytaxtları elan ediblər.