Mosulun böyük hissəsi artıq İŞİD-dən təmizlənib

“Mosul şəhərinin 56 rayonundan 40-ı azad edilib.

Ahlibeyt.az-ın İslamazeri.az-a istinadən verdiyi xəbərə əsasən,bu barədə Ria agentliyi məlumat yayıb.

Məlumata görə, İraqın xarici işlər naziri İbrahim əl-Cəfəri bildirib ki, İraq hərbçilərin Mosul şəhərinin və onun ətrafının böyük hissəsini İŞİD terror təşkilatından azad edib. Qeyd edək ki, Mosul şəhəri Neynəva əyalətinin tərkibinə daxildir.

“Mosul şəhərinin 56 rayonundan 40-ı azad edilib. Yerdə qalan 16 rayonun da azad edilməsi üzrə işlər başlanılır.”, - deyə əl-Cəfəri bildirib.

Əl-Cəfəri ötən gün bildirmişdi ki, İraq hökuməti yaxın 3 ay ərzində İŞİD-i aradan apara bilər.

Xatırladaq ki, 2014-cü ildə İŞİD tərəfindən işğal edilmiş Mosul şəhərinin azad edilməsi əməliyyatı oktyabr ayının 17-dən davam etməkdədir.