Slovakiya hökuməti islamın rəsmi din kimi qeydiyyatdan keçməsinə mane olub

Slovakiya hökuməti islamın rəsmi dövlət dini kimi qeydiyyatdan keçməsinə mane olan qanun layihəsi qəbul edib.

Ahlibeyt.az-ın verdiyi xəbərə görə,bu barədə Salamnews “Reuters” agentliyinə istinadla məlumat yayıb.

Ölkənin ultrasağçı milli partiyası tərəfindən irəli sürülən layihəyə əsasən, din yalnız ən azı 50 min ardıcılı olduğu təqdirdə rəsmi status ala bilər. Bundan əvvəl eyni göstərici 20 min nəfər təşkil edirdi. Bundan başqa, sonuncu siyahıyaalmaya əsasən, Slovakiyada müsəlmanların sayı 2000-dən çox deyil.

Başqa bir təşəbbüs isə dinin dövlət qeydiyyatından keçə bilməsi üçün ən azı 250 min ardıcıla malik olmalı olduğunu ehtiva edir.

“İslamlaşdırma kababla başlayır və bu, artıq Bratislavaya gəlməkdədir. Təsəvvür edin, 5-10 ildən sonra nə ilə qarşılaşacağıq. Gələcəkdə ölkədə məscidlərin tikilməməsi üçün bizdən asılı olan hər şeyi etməliyik.”, - agentlik partiya sədri Andrey Dankonun sözlərindən sitat gətirib.

Qeyd edək ki,Slvakiya Avropa Birliyinə daxil olan yeganə ölkədir ki, ərazisində məscid mövcud deyil.Qeyri-rəsmi məlumatlatra görə,ölkə ərazisində 4-5 min nəfərə yaxın müsəlman yaşayır ki,bunların da əsas hissəsi Albaniya, Bosniya olan müsəlmanlar və ərəblərdir.